Geirmundarstaðir
Nafn	Númer	Faðir	Númer	Kjötmat	Líf/lömb	Heild	Fall	Gerð	Fita	Ómv.	Ómf.	Læri
	04-592	Áll	00-868	124,9	122,0	123,5	17,29	9,80	7,13	25,7	2,5	17,1
Þjarkur	04-587	Áll	00-868	86,8	156,0	121,4	17,96	9,96	7,88	27,6	2,7	17,6
Depill	04-594	Áll	00-868	111,1	116,6	113,9	17,51	9,10	6,90	25,6	2,6	17,1
Bambi	04-596	Frosti	02-913	101,6	109,5	105,5	17,53	9,59	7,45	25,6	2,9	17,0
Punktur	04-588	Áll	02-868	115,1	89,9	102,5	17,30	9,65	7,25	24,9	3,2	17,1
	04-593	Frosti	02-913	90,3	75,7	84,4	17,25	9,10	7,43	23,8	2,7	16,9
	04-597	Hnakki	02-577	72,1	47,1	59,6	17,78	8,94	7,61	22,9	3,1	16,6

Í þessari rannsókn koma fram ákaflega athyglisverðir afkvæmahópar. Athygli vekur að topphrútarnir eru allir hálfbræður undan Áli 00-868. Efstur í heildareinkunn er 04-592 með ákaflega jafnan og góðan hóp af afbragðsvel gerðum lömbum. Þessi hrútur á að móðurföður Breka 00-566 sem var sonur Prúðs 94-934 en lengra að baki í móðurætt stendur Breiði 95-545 frá Breiðabólsstað á Fellsströnd. Þess má raunar geta að þessi hrútur er fæddur þrílembingur, annar albróðir hans var notaður á búinu en var ekki í afkvæmarannsókninni, en sá hrútur var að skila allra öflugustu sláturlömbunum á Geirmundarstöðum haustið 2005 og þriðji bróðirinn var notaður á öðru búi með góðum árangri. Þjarkur 04-587 er að skila fádæma góðum niðurstöðum úr ómsjármælingum og skoðun á lifandi lömbum en lömbin undan honum eru talsvert feitari en undan öðrum hrútum í rannsókninni. Móðurfaðir Þjarks er Moli 93-986 og mmf. Hnoðri 95-801. Sá hálfbræðranna sem skipar sér í þriðja sætið Depill 04-594 er með feikilega öflugan, jafnan og góðan lambahóp. Móðurfaðir þessa hrúts er Snúður 00-911, sem kom frá þessu búi og var þar notaður áður en hann kom á sæðingastöð.