Um landbúnaðarvefinn
Nokkrar stofnanir og samtök í íslenskum landbúnaði reka sameiginlegan upplýsingavef sem hóf göngu sína í upphafi árs 2002. Vefslóðin er www.landbunadur.is. Markmiðið með samstarfinu að auðvelda bændum, starfsmönnum landbúnaðarstofnana og raunar öllum almenningi að nálgast upplýsingar um íslenskan landbúnað. Á vefsíðunni er lögð sérstök áhersla á þjónustu við fjölmiðla, en allir sem taka þátt í vefnum leggja til fréttir sem birtast á honum. Þar er einnig sameiginleg dagbók og gagnabanki með öllu því efni sem aðstandendur vefsins hafa samið og gefið út. Að landbúnaðarvefnum nýja standa: Aðfangaeftirlitið, Bændasamtök Íslands, Landbúnaðarháskólinn á Hvanneyri, Lífeyrissjóður bænda, Rannsóknarstofnun landbúnaðarins, Yfirkjötmat ríkisins og Landgræðsla ríksins.
Sameiginlegi vefurinn er hugsaður sem einskonar anddyri eða yfirsíða, þaðan sem hægt verður að komast í eftirfarandi flokka: Greinasafn, Leit, Fréttir, Dagbók, Nám og námskeið, Rannsóknir, Tenglar, Starfsmenn, Fundargerðir. Einnig er hægt að komast á sérvefi hverrar stofnunar af forsíðu sameiginlega vefsins, senda póst á vefstjóra og sjá kort af vefnum öllum (Site Map).
Vefur Bændasamtaka Íslands er á slóðinni www.bondi.is. Hann er tengdur hinum sameiginlega landbúnaðarvef á þann hátt að þegar greinar eru settar í Greinasafn þá fara þær rakleiðis í sameiginlegan gagnagrunn sem allir samstarfsaðilar standa að. Starfsfólk Bændasamtakanna er einnig sýnilegt á sameiginlega vefnum auk þess sem auglýsingar, fréttir og dagbókarviðburðir sem settir eru inn á sérvef BÍ fara einnig á hinn sameiginlega vef. Nokkrir flokkar á sérvef BÍ eru ekki á sameiginlega vefnum s.s. útgefið efni, tölur, innra starf Bændasamtakanna o.s.frv. Hægt er að senda athugasemdir vegna vefs BÍ til vefstjórans og er netfangið bbl@bondi.is |