|
|
Líkön
Sjóðflæði í kjölfar kaupa á greiðslumarki mjólkur
Með því að smella á hlekkinn hér að neðan opnar þú líkan yfir sjóðsstreymi í kjölfar fjárfestingar í greiðslumarki mjólkur. Líkanið er aðlagað að núverandi mjólkursamningi og gefur möguleika á að reikna út frá mismunandi forsendum um þróun þeirra stærða sem máli skipta, svo sem mjólkurverðs, breytilegs kostnaðar, beingreiðslna og vaxta. Með þessum breytingum hefur einnig sjálfvirkni líkansins minnkað nokkuð og má með nokkrum sanni telja að þetta sé svona handvirkt líkan. Athugið að það eru rauðu tölurnar í líkaninu sem notandinn á sjálfur að breyta eftir því sem hann telur líklegast og réttast og gott er að reikna út frá mismunandi forsendum.
Kaup á greiðslumarki mjólkur
Áður en lagt úr út í kaup á greiðslumarki er rétt að velta vel fyrir sér helstu forsendum framleiðsluaukningarinnar, jafnt ytri forsendum sem eigin rekstraraðstæðum. Í líkaninu getur þú sett inn eigin forsendur á flestum þáttum og velt fyrir þér arðseminni ef tekjur eða gjöld breytast frá því sem nú er. Líkanið er sjóðsstreymislíkan sem reiknar með því að þær krónur sem skapast við framleiðsluaukninguna fari jafnharðan í að greiða niður fjármögnun hennar.
Forsendur líkansins eru í sérlínum og fjárhæðir þar fyrir neðan. Breytingar á fjárhæðum koma í ljós um leið og forsendum er breytt. Rauðum tölum má breyta en ekki svörtum. Skattalegum áhrifum er skipt í tvennt þ.e. áhrif af skattalækkunum vegna niðurfærslu greiðslumarks og skattgreiðslur vegna aukinna tekna. Alltaf hlýtur að vera um sömu merkingu að ræða uns niðurfærslutíma greiðslumarksins er lokið. Ef uppsafnað tap er fyrir hendi eða taprekstur þá er merkt með 0 í forsendur en annars 1. Aðeins má merkja 1 í 5 ára tímabil vegna niðurfærslu greiðslumarks því að þá hefur það verið fært niður að fullu.
Hægt er að setja inn líkleg áhrif verðbólgu sem hækkun á vaxtalið því að líklegt er að tekjur hækki töluvert seinna en gjöldin og vaxtagreiðslurnar hækka fyrst allra gjalda. Beingreiðslur eru þó verðtryggðar út núverandi samningstíma eða til 2012. Eftir 2012 eru allar tölur áætlaðar og rétt að hver setji inn þær forsendur sem hann telur réttastar. Hvað gerist eftir að samningstímanum lýkur er óljóst en samkvæmt alþjóðasamningum um breytingar á stuðningsformi við landbúnað má telja líklegt að ríkisstuðningur breytist þannig að beingreiðslur lækki ennfrekar og notuð verði viðmið sem síður eru háð framleiddu magni mjólkur eða jafnvel alveg óháð því.
Eru framleiðsluaðstæður fyrir hendi eða mun fastur kostnaður hækka við framleiðsluaukninguna? Flestir þeir liðir sem flokkast undir fastan kostnað verða að einhverju leyti tengdir framleiðslumagni ef tímabilið sem skoðað er er ekki bókhaldsárið heldur 10 eða 20 slík. Aftur á móti hefur mikil hagræðing átt sér stað varðandi fastan kostnað undanfarin ár og líklega eru möguleikar á enn meiri hagræðingu.
Skuldsetning rekstrarins má heldur ekki fara það hátt að aukin verðbólga, lækkun afurðaverðs eða lækkun kvótaverðs og þar með verðmætis þess veðs sem sett er til tryggingar skuldunum setji menn út af laginu. Ef afurðaverð lækkar þá gerist það samhliða að erfiðara verður að standa við vexti og afborganir af lánum og verð á greiðslumarkinu, og þar með eignunum, lækkar. Þetta getur haft í för með sér lakari kjör hjá lánastofnunum.
SE 27. nóvember 2003 - endurbætt í júlí 2007.
Fjárfesting í búvélum
Á heimasíðu Bútæknisviðs Rannsóknarstofnunar landbúnaðarins eru sýnd dæmi um aðferðir við að meta árlegan fjárfestingakostnað v/búvélakaupa og algengar aðferðir við útreikninga á slíkum kostnaði.
|
|
|