|
|
Vistvæn ræktun
Vistvæn framleiðsla grænmetis
Í vistvænni framleiðslu er áhersla lögð á gæðastýringu og eftirlitskerfi til að tryggja uppruna og ræktun nytjajurta þannig að afurðirnar uppfylli kröfur sem gerðar eru til vistvænna landbúnaðarafurða. Framleiðslan skal samræmast góðum búskaparháttum og markmiðum sjálfbærrar þróunar í landbúnaði. Tryggja skal öflun góðs neysluvatns, örugga meðferð sorps og frárennslis svo og aðrar mengunarvarnir og góða umhirðu við framleiðslu landbúnaðarafurða.
Við ræktun nytjajurta og afurða þeirra skal notkun áburðar, lyfja eða varnarefna vera í samræmi við viðurkenndar reglur um hreinleika og hollustu afurða og verndun umhverfis og í samræmi við ákvæði í viðaukum fyrir einstakar afurðir.
Við framleiðslu vistvænna afurða skal árleg hámarksnotkun köfnunarefnis miðast við 180 kg N/ha fyrir kartöflur og grænmeti. Vinna skal sérstaka áætlun varðandi áburðargjöf, sem tekur mið af þörfum viðkomandi plantna. Við ræktun í jarðvegi skal áburðargjöfin taka mið af jarðvegssýnum. Öll frávik skal skrá og rökstyðja.
Afurðir nytjajurta skulu merktar einstökum framleiðendum í gegnum vinnslu og dreifingu. Ekki er leyfilegt að markaðssetja sömu grænmetistegund bæði undir merkjum vistvænnar og hefðbundinnar ræktunar.
Hver grænmetisframleiðandi og afurðastöð sem óskar eftir viðurkenningu skal sækja um hana til garðyrkjuráðunautar Bændasamtaka Íslands sem framkvæmir úttekt á framleiðsluaðstöðu umsækjanda. Komi í ljós við skoðun eftirlitsaðila að framleiðandi/afurðastöð hefur gerst brotleg við ákvæði reglugerðarinnar skal viðkomandi veittur fjögurra vikna frestur til úrbóta. Hafi úrbótum að þeim tíma liðnum ekki verið lokið að mati eftirlitsaðila skal viðurkenning hans afturkölluð.
Plöntuvernd skal grundvallast á lífrænum vörnum og fyrirbyggjandi aðgerðum eftir því sem tök eru á.
Plöntulyf má aðeins nota í neyðartilvikum eða samkvæmt notkunaráætlun. Í notkunaráætluninni skal m.a. koma fram hvaða lyf muni væntanlega verða notuð.
Einungis er leyfilegt að nota viðurkennd plöntu- og illgresislyf og í fullu samræmi við notkunarleiðbeiningar. Skrá verður á sérstök eyðublöð alla notkun plöntu- og illgresislyfja frá og með byrjun ræktunar.
Vinna skal sérstaka áætlun varðandi áburðargjöf, sem tekur mið af þörfum viðkomandi plantna. Öll frávik skal skrá og rökstyðja.
Við ræktun í jarðvegi í skal áburðargjöfin taka mið af jarðvegssýnum.
Magnús Á. Ágústsson
| Skráningareyðublöð | Leiðbeiningar til að vista skjölin á eigin tölvu: |
| - Innigrænmeti (excel skjal) | - Hægri-smelltu á viðeigandi excel skjal |
| - Kartöflur (excel skjal) | - Veldu "Save target as" og finndu Desktop |
| - Útirækt (excel skjal) | - Smelltu á hnappinn "Save" |
 | - Smelltu á hnappinn "Close" |
| - Athugið að í skjalinu eru mörg blöð. Farið er á milli blaða
með því að velja mismunandi blöð neðst í skjalinu. |
Reglugerðir
Reglugerð nr. 504/1998 um vistvæna landbúnaðarframleiðslu
Breyting á reglugerð nr. 504/1998
Gátlisti
Úttekt á vistvænni ræktun |
|
|