Landsréttindi
Hér á landi hefur sá háttur tíðkast frá landnámi að landinu er skipt niður í eignarlönd, sem einstaklingar, samtök, stofnanir eða ríkið fara síðan með fullt eignarhald og yfirráð yfir. Þessu er öðruvísi háttað víða erlendis. Það að eiga land hafa því alltaf verið og eru enn veruleg hlunnindi, þó mismikil eftir gæðum jarðarinnar og eftirspurn á hverjum stað og tíma.
Auk almennra hlunnindanytja, þá hefur á síðari áratugum skapast eftirspurn eftir jörðum eða jarðahlutum, til kaups eða leigu til þess að byggja sumarhús, til skógræktar, til beitar og til útiveru. Oftast er hægt að nýta þessa nýju eftirspurn án þess að skerða möguleika jarðanna á öðrum sviðum.
|