|
|
Silungsveiði
Frá ómunatíð hefur silungur verið nýttur hérlendis, bæði í ám, vötnum og í sjó. Auk þess að nýta silunginn til heimilisþarfa er hann eftirsóttur í verslanir og veitingahús.
Víða er talið að silungsvötn séu vannýtt og hefur oft verið gripið til aðgerða til að auka nýtingu þeirra, en vegna þess hversu erfitt er að halda jöfnu og stöðugu framboði, hefur verið erfitt að stunda útflutning á þessari vöru þó að markaðir hafi fundist. Á seinni árum binda menn helst vonir við að gera megi meiri verðmæti úr silungi í ám og vötnum með stangveiði, en þá þarf að bæta verulega aðgengi að veiðisvæðunum og koma upp viðeigandi aðstöðu.
Silungsveiði með ýmsum hætti og það hversu víða silungurinn er, gefur fjölþætta möguleika á að skapa afþreyingu. Vitað er að fjölbreyttari afþreyingu vantar í ferðaþjónustu hérlendis og horfa margir m.a. til silungsveiða í því sambandi.
Varðandi upplýsingar um silungsveiði í ám og vötnum og silungseldi, þá er vísað til Hólaskóla.
|
|
|