|
|
|
Aksturstaxtar á lausu fóðri hækka
Miklar hækkanir á aðföngum hafa verið til umræðu síðustu vikur og mánuði. Í dag tilkynnti fóðurfyrirtækið Lífland um 6% hækkun á aksturstöxtum á lausu fóðri. Skýringin er samkvæmt fréttatilkynningu frá fyrirtækinu hækkanir á eldsneyti og rekstrarvörum. Hækkunin er sem fyrr segir 6% og tekur gildi frá og með miðvikudeginum 20. febrúar 2008.
Fóðurblandan hefur ekki tilkynnt um hækkun á aksturskostnaði en þar á bæ hækkaði fóður um 5-7% í byrjun janúar og var ástæðan sögð hækkanir á innfluttum hráefnum til fóðurgerðar. Lífland hækkaði verðskrá hjá sér 1. október sl. en þá hækkaði kúafóður um 8% og annað fóður um 13%.
Til baka
|
|
|