Verðlagning búvara
Verðlagsnefnd ákveður lágmarksverð á mjólk til framleiðenda og leyfileg afföll mjólkur sem stenst ekki kröfur sem 1. flokks mjólk. Ákvörðun um lágmarksverð skal byggjast á gerð verðlagsgrundvallar fyrir bú af hagkvæmri stærð. Einnig á nefndin að meta framleiðslukostnað sauðfjárafurða við upphaf hvers verðlagsárs. Miða skal við kostnaðarútreikninga er sýni áætlaða vinnuþörf, fjármagnskostnað, rekstargjöld, launakostnað og afurðir meðalbús sem rekið er við eðlilegar framleiðsluaðstæður. Þá getur nefndin verðlagt afurðir annarra búgreina koma fram óskir þess efnis.
Verðlagsnefnd ákveður einnig heildsöluverð búvara, sem verðlagðar eru til framleiðenda af nefndinni að teknu tilliti til afurðaverðs til framleiðenda og rökstuddra upplýsinga um kostnað við vinnslu og dreifingu nema annað sé tekið fram í búvörusamningum milli ríkis og bænda (sbr. 30 gr. laganna). Auglýsing um heildsöluverð á mjólk og mjólkurvörum.
Engin opinber afskipti eru af verðlagningu á öðrum afurðum landbúnaðarins.
Hér má sjá upplýsingar sem safnað hefur verið um verð á landbúnaðarafurðum o.fl.
Landssamtök sauðfjárbænda hefur heimild til að gefa út viðmiðunarverð á sauðfjárafurðum samkvæmt lögum um framleiðslu, verðlagningu og sölu á búvörum, nr. 99/1993: Framleiðslukostnaður sauðfjárafurða
Viðmiðunarverð sauðfjárafurða frá 1. júlí 2005. |